شرح بالصور كيفية الكتابة على الفيديو او الفيلم و تصغير حجمة لسهولة الرفع و التحميل

احلي اعضاء في شبــكــةومنتديات رومانسي ,,

النهاردهـ بقي عاملكو شرح عن حاجه في ناس كتير سألت عليها

كيفية الكتابه علي الفيديو بطريقه ظريفه وحغظ حقوق نعنـشــا
كيفية تصغير مساحة الفيديو ( في ناس بيكون عندهم فيديو مساحته جيجا دة بيكون صعب عليهم انه يترفع وبيرخم علي اللي هينزله ) ممكن توصله لربع المساحه
كيفية دمج الترجمه للأفلام الاجنيه

طبعاً في كذا طريقه للكتابه علي الفيديو وحفظ حقوق ملف الفيديو ده لينا النهارده هنشرح طريقه سهله وهتجمهع الـ 3 ـ حاجات اللي قولنا عليهم دول ... وبردو قريب ان شاء الله هقولكو علي باقي الطرق وكل واحد يختار اللي يعجبه

هنستخدم برنامج سهل جداً في كل حاجة .. في تحميله .. في تنصيبه.. في استخدامه كمان Easy Real Media

اضغط هناا لتحميل البرنامج

بعد التحميل هيتم تنصيب البرنامج عادي خالص وبعد كده هتفتح البرنامج عن طريق الاختصار بتاعه او تقدر تدخله من قايمة البرامج

StarT >> all programs >> Easy RealMedia Tools >> Easy RealMedia producer V1.94
المهم تتصرف وتفتح البرنامج بقي

نيجي بقي للبرنامج وكيفية التعامل معاه وايه امكانياته وكده يعني

اول ما هتفتح البرنامج اول مره هيطلعلك زي اللي في الصورة دي كدهـ

[ندعوك للتسجيل في المنتدى أو التعريف بنفسك لمعاينة هذه الصورة]

دوس علي اوك من غير ما تغير اي حاجه [ندعوك للتسجيل في المنتدى أو التعريف بنفسك لمعاينة هذه الصورة]

هيتغير شكل البرنامج للشكل الموضح في الصورة اللي تحت دي

[ندعوك للتسجيل في المنتدى أو التعريف بنفسك لمعاينة هذه الصورة]

زي ما موضح في الصوره كده

add.. دي لـ اضافة ملف الفيديو

settings .. دي الاعدادات بتاعة البرنامج اللي هنتكلم عليها دلوقتي

Shutdown PC .. دي بقي لو انت هتسيب الجهاز وتنام علم صح في المربع والكمبيوتر هيتفقل بعد ما يخلص لوحده
هندخل علي قايمة الاعدادات Settings
[ندعوك للتسجيل في المنتدى أو التعريف بنفسك لمعاينة هذه الصورة]

دي الصوره بتاعة الاعدادات .. ممكن نعمل الاعدادات بتاعة البرنامج زي اللي في الصوره كده

وممكن بردو نغيرها كل واحد وحريته .. علشان كده لازم نعرف كل حاجة في القايمه دي
موجود ارقام علي حاجة فيها وهكتبلكو كل رقم بتاع ايه *7

حجم الفيديو
جودة الفيديو والالوان
لو عايز تحفظ الفيديو في نفس المجلد الاصلي
لو عايز تحفظ الفيديو في مكان اخر
استعادة الاعدادات الاصلية
حفظ اعداداتي كأعدادات اصلية للبرنامج
استعادة الضبط الاصلي للبرنامج
استخدام اعدادات من ضمن الاعدادات المحفوظه علي الجهاز
لحفظ اعداداتك علي الجهاز

AV qpitrate

ودي اهم نقطه في الاعدادات وهي دي النقطه اللي تعبتي اوي بجد
لأن هي دي النقطه اللي هتحددلنا نسبه تحويل الفيلم والحجم الناتج بالصيغه الجديده
وطبعاً احنا مش عايزين نضغط وخلاص اهم حاجه اننا وصل اعلي جوده لكل اعضاء وزوار كوكبنا علشان كده هي النقطه دي اللي خدت معايه وقت علشان اقدر احددها

والحمد لله قدرت اني اوصل لنتيجه كويسه وهي تعديل النسبه لـ 250 الي 900 يعني كل اللي هتعمله انك تغير ال 350 او 450 زي ما موجود لـ 250 النسبه دي هتحافظ علي جودة الفيديو بالاضافة لسهوله رفعها وايضاً سهولة تحميلها للأعضاء

بس دي لو النسخة دي في دي

انما لو النسخة التانية يعني متصوره او فيلم مسروق وكده يعني مش نسخة اصليه نحاول اننا مننزلش عن نسبه 350 الي 900 علشان نقدر نحافظ علي جودة الفيديو

بعد كده بقي هنضيف ملف الفيديو اللي احنا عايزين نضيفه
اةة صح قبل ما نضيف لازم نتأكد ان الملف اللي هندمجة موجود مع الفيديو في نفس الفولدر وبنفس الاسم زي اللي في الصوره كده

[ندعوك للتسجيل في المنتدى أو التعريف بنفسك لمعاينة هذه الصورة]

وهندوس علي ادد ونضيف الملف اللي احنا عايزينه

[ندعوك للتسجيل في المنتدى أو التعريف بنفسك لمعاينة هذه الصورة]

بعد كده هدوس علي ستارت زي اللي في الصورة اللي تحت دي علشان يشتغل بقي عملية دمج الفيلم وتصغيره

[ندعوك للتسجيل في المنتدى أو التعريف بنفسك لمعاينة هذه الصورة]

كده التحويل شغال تمام
في الوقت اللي البرنامج شغال فيه بقي ياريت شغلك علي الجهاز يكون خفيف علشان متقلش البرنامج
ويستحسن تسيب الجهاز خالص وتقوم تروح في اي حته وترجع لما يخلص [ندعوك للتسجيل في المنتدى أو التعريف بنفسك لمعاينة هذه الصورة]

لما تطلع الرسالة دي بقي يبقي كده بيقولك ان تم الانتهاء بنجاح

:tmam:

كام حاجة مهمين اوي اوي اوي اوي لازم تخلي بالك منهم وانت شغال علشان متطلعش معاك حاجة غلط بعد ما تسيب الفيلم يقعد شغال علي البرنامج وفي الاخر متلاقيش اي تعديل ويبقي الكلام دة كله ملهوش لازمه ركزو معايه بقي في الكلمتين دول .. معلش انا طولت عليكو بس بحاول اني اقدر افيدكو صح لأن دة هيكون فيه افادة ليه انا كمان لأن متهيئلي لما هطبقو ان شاء الله هتورونا التطبيق دة هنا في الموقع

مصلحجي انا هاا بس ما تنسوش الدعاوى

ركزو بقي والنبي يا جدعان اخر حاجه اهو

اول حاجه واهم حاجه نتأكد ان ملف الفيديو والملف المدمج (اللي هو فيه اسم الموقع ) الاتنين موجودين مع بعض في فولدر

[ندعوك للتسجيل في المنتدى أو التعريف بنفسك لمعاينة هذه الصورة]

امتداد الملف دة هيكون sub

واللي مش هيعرف يعمل الملف

هـــيــتم رفعه

حاجه تانيه بردو مهمه وانت بتدمج الفيلم يعني والبرنامج شغال تتأكد ان العلامه بتاعة السهم دي موجوده
[ندعوك للتسجيل في المنتدى أو التعريف بنفسك لمعاينة هذه الصورة]

هتلاقيها تحت جمب الساعه لو مش موجوده تعمل ستوب لأن كده الدمج مش شغال وهتسيب البتاع شغال علي الفاضي

وبكده اقولكو اني خلصت الحمد لله بعد تعب بجد مقدرش اوصفهولكو ولو في عند اي حد استفسار انا موجود *10

وبرود احب اشوف الناس تجرب اللي احنا قولناه دة ونشوف الشغل بقي يا بشر